" TRE DONNE INTORNO AL COR MI SON VENUTE "

" TRE DONNE INTORNO AL COR MI SON VENUTE"

S'ancora m'è amicu lu " Distinu "
voddu bulà cun técu a la mè' aòlti !!
Sarà maraigliosu lu caminu
in chìsta " evasiòni " da la Mòlti .

Cilcà cun técu la " felicitài "
no mi sarà difficill , nè vanu ;
chi sia puru in un Mundu luntànu :
tàntèmu tèmpu pa l'Eternitài !.

Si la Tarra no è la spònda amèna
lu pòltu di Amori dilicatu -
andemucinni in l'ària sirèna ,
a cilcà lu " Pianèta-Fultunatu " .

Paltìmu comu'eni a la 'intùra ,
afidèndici a l'àla di lu 'éntu ;
e l'illusiòni di lu " Sintimèntu "
sarà la bedda " leggi di Natura " .


" TRE DONNE INTORNO AL COR MI SON VENUTE "

I°

No una ma ...tre volti haggiu rasciòni
si ti dicu chi sé' istravaganti :
ORU...PRATTA..RUBINI..DIAMANTI...
avvéru - avvéru ..no sò' còsí bòni ??

Mi tiri in campu la RELIGIONI
cu esempi d'Apòstuli e di amanti !...
chi' ti 'ulla ! palchì haggiu tanti
precìsi adatti giusti paragòni .

E di chi sò' li " chìlchi " e l'ornamènti
pòsti in capu a istàtui e
d'Oru puru-zicchìnu , o sò' di latta ?

E li " riccàmi " di li " paramènti "
li fiori , li bèddi cuscitùri
sò'di filu-di-ferru....o sò' di PRATTA ??

II°.

E li " dinà "..ca l'è chi ci li jètta
li Ministri Re 9 li Diputati ?
In Senatu v'ha vècchi e nalandàti '
ma no v'ha manc' un pédi di POETA !!

Si se' pazinziosu ..e tàndu aspètta
chi li " Ricchi " , pintuti e cunfissati ,
li " Marènghi " chi ténini adducati
li dìani a li " còlci " fèndi incètta !!

A me - nè mi 'algògnu ! - mi piaci
la " munéta " : di dugna galitài :
sìa d'oru di pràtta , o di papéri .

Sissignòri ! chist'ultima ti faci
lu mattèssi silviziu ( si n'hai ! );
e poi chi la " càlta "..è più licéri !.



" DONNE INTORNO AL COR MI SON VENUTE "

1° Binidìttu chi sia lu " Progrèssu " !
ìdd'e la " luci " di la " Civiltài " :
vultulìggia lu Mundu a lu rièssu :
trasfòlma li campagni e li Citài .
Undi mànch'ìddu...lu Tempu è arrèssu :
v'è OMU ma no v'è l' UMANITAI !
Guài undi no s'abbri lu caìnu :
vi pòni pédi lu " Tristu-Distinu " .

2°. Idd'è sempri in cuntìnu muimèntu ,
s'allalga più chi po' da und'è natu :
cùrri in " macchina " ,in " trènu " in " bastimentu ":
bòla in " Mìssili " lanciatu .
Pàssa in li libri da lu pinsamèntu
palch'è fiddolu di lu " Scenziatu ".
Invintat'una còsa una scupàlta
scrìi in pagina noa , sempr'abbàlta .

3°. No fàlta d'arrià und'è attésu
cu li sò' maraìgli e li sò' dòni .
E' com'un Soli un Faru sempri accésu
alímintatu da la " passiòni " .
Lu Mundu occultu ti faci palésu
ti cunsèlva l'immaggini e li sòni .
E la " Televisiòni " ? E' un pultentu
chi suparìggia dugna pinsamentu !!

4° Si pudìssi cuntentu di lu ch'ha ,
l' OMU filmàssi e di' " Sòcu arriàtu ! "
si no vulìssi in prìculu campà ,
tírend'innanzi senza cuidàtu
si vulìssi a lu " ch'è " rínunzià...
li bastarìa lu ch'ha invintatu !!...
E invècci arriàtu a un traguàldu
l'ONU ripàlti ; e li pari fa' tàldu !

5° Aràldu immagginosu risplendènti
nimmìcu di lu bùggiu e di la Mòlti ,
sòna la tròmba di lu " cumbattenti "
contr'a dugna dulori e malasòlti .
Pàssa lu Céli , arréa a dugna jènti ;
cùrri pal Mari a li luntàni pòlti .
Fòlti ustinatu splendidu fatàli
lu " PROGRESSU " è la 'ìta in l' IDEALI .