TEMPUS

Cantu fuis luego e prestu passas
tempus,non annottende a sos umores
chi faghes in sa terra e chi dassas.
Das'in beranu,pascu,fiores
chi de boi nos leas e abbassas
in fenu chena prus cuddos colores.
Ma tmpusu proite cussas trassas
cun nois puru impidas?Sos amores
nostros sinzeramente iscambiados
distrues et nos leasa,comente
forma a sos fiores e isfozas
alvures de erdura coronados.
E finas chena dolu inzustamente
chi de sug'amus menzus nos ispozas.


BENTU

Bentu chi cun su tou muilare
mente anima e coro m'has toccadu
e fattu in s'infinidu meditare,
firma. Proite goi infuriadu
curres e no arreis? Domandare
ti cheria comente ha cuminzadu
sa cursa chena fine e chie dare
tale dura cundenna ada usadu.
Ma sighis su caminu pianghende
ca forsis has segretos tue puru
e cosas do contare a tie caras;
e pares in limbazu tou nende:
su non podet pasare cant'ès duru!
Puru in cursa, bentu, cantu naras!