Su Stori

Appenas de su Soli su rifléssu
s'apparit a su chizz'in s'orizzonti
sempri cun vili e barbaru interessu
giras buscus e campus de su monti ;

e de su pranu s'immensu possessu
domus nurascis , arcadas de ponti ,
su campanili su sacru cipressu....;
pustis danzendu ti paras de fronti .

Suspésu in s'àri a su cursu 'e su bentu
càstias cun ira su senza difesa
pilloni chi canminat disattentu...

po ddu distruggi . Sa bruttàli impresa
ponis in opra a s'adattu momentu .
Solu po cussu s'anima est avesa .


SA DOMU 'E BABBU MIU

Candu ddi passu accanta, ca m'osservada
cun d'unu aspettu tristu e lanentosu
unu longu romanzu si riservada,
mi parit....! e po CUSSU penserosu
mi fazzu; e senza mancu m'accatai,
su passu tendu a curzu; e traballosu.
Comente chini nerit: "Sighi andai!
cà mi cuntentu solu si ti biu:
tantu po mimi.... nudda podis fai!!!"

Pobéra donu béccia 'e babbu miu:
aundi tottucantu hat'essi andau
tantu beni chi prinMa hat possidìu?
Damizanas, fascellas de muscau
e carradas in fila, cun cuponis
de nonica, nuragus, cannonàu....!
E po sa "Festa" 'e i s'ischissionis
cun su latti in caddascius e sciveddas,
....nd'antessi bìu de prucessionis

de femminas, pippius, piccioccheddas!!!!
E babbu, cun sa turra, dd'is preniat
de latti caffetteras, pingiadeddas....!
De tottu, coment ' issa prima fiat
non si notat nemmancu su sinnali:
marcàd'e Marti coment'e chi siat.
Oh brutta sorti, ho destinu fatali!
cà dda possidit s'amori ribellu:
po cussu.... persighìa est de su mali!!!

Ma si puru de mésu su fragellu
no benit iscanzàda unu momentu,
po mìmi... ad'essir sempri su prus bellu

robustu, riccu e forti "menumentu"!!!!.

MALUACREI


S'ortu de Padovana
Béllu , ben'attrezzau
de vasca e de molinu
..scadent'est unu pagu 'e serradura !
Su prusu est seminau
a béllu corantìnu :
ravanellu eccelenti po dulciura
làttia in cantidàdi
fenugu meda n"hadi ;
bona parti de s'ortu est a birdura .
De bentus contrastau ;
de dògna bremi malu minacciau .!.

Su tingiu a su fasolu
a su caliu sa cugurra ;
s'arrest' s'ortalizia a su scrapponi .
Su prus chi ponit dolu...
dògna tantu una sùrra
a su burriccu 'e mala intenzioni !!!

Su ddu bìri mollènde
sepr'in terra est fraghendu...
po su traballu hat pagu passiòni !

Drebéssi a camminai...
est cussu chi non bollit imparai !.!