SU PASTORE SARDU

Cantende su pastore a boghe giara,
Cand'est sazziu 'e pasculu s'armentu,
In sos virgines buscos de Limbara
O in sas faldas de su Gennargentu,
Innalzat sa Sardigna,amada e cara,
In s'alabinna,a riparu 'e su entu.
E in s'istiu,a s'umbra 'e su nuraghe,
Custodiat sa roba in santa paghe.

In su monte,in s'adde,in su pianu
Sunu tottu sas gamas pasculende.
Fattende festa a su blandu 'eranu
A gruppos sos anzones sun gioghende.
Su pastore,in su placidu manzanu,
Notas melodiosas est sonende.
Cun su piffaru sou armoniosu
Tottu su logu lu rendet festosu.

A su sero recuit a coile
Pro reposare masones e gamas.
Chirriat sos anzones a s'annile
Poi ohi tottu hana suttu sas mamas.
E azzendet su fogu in su foghile,
Osservat chi pienas sun sas lamas
De latte friscu,murtu assora assora,
Iss'est cuntentu e poetada ancora.

Pro esser solu non bi ponet cura,
Sos puzzones l'han sempre accumpagnadu.
Ponet sa voluntade,sa premura,
Pro sa laghinza e pro su madrigadu
E vivet in sa calma 'e sa natura
De unu pleniluniu incantadu.
A su santu eremita s'assimizzada,

Però diversa vida non disizzada.
Passat sa vida d'un'anacoreta
Isgranende calch'un'orassione.
A s'umbra d'unu cherou o de pineta,
Giughet a meriare su masone.
No est poeta e si faghet poeta,
Cantat versos de sua invenzione
E reposat in terra,allegru e sanu,
subra sa uda o subra su cabbanu.

"Lucet in tenebris"


In d'una notte calma de istiu
Cuntemplende sas tremulas istellaa,
Ohi palpítan'azzesas e cun briu
Tottu lughentes cantu sunu bellas
Cando su sole a terra dàt s'adiu
Ohi lassat cosas bezzas e novellas,
Sa luna pensat de Illuminare
Cun raggios de arghentu, terra e mare.

In sa rosada lughe 'e manzanile
Cando est su oriadu evanescente.
Cando s'azzendet s'eternu foghile
Oh'allerat'ogni coro ogni mente,
Tando zente zivile e inzivile
S'oper''e Deus latenet presente,
E isfumat in santa poesia
Tentu fascinu ballu e armonia.

Da s'uraganu s'orrendu fragore
O sa rabbia zega de sos bentos
O s'urulu peurosu 'e su dolore
Su chi tottu travolget permanentos
O s'ira de su lampu, o su bagliore
Chi movet furiosos elementos.
Cosas fettas da' Deus in essenzia
Bonidade, rigore e sapienzia.

Cando, in unu campu fluttuante
De trigu osservas maduras ispigas;
biundas a su soIe; in cuss'istante
Non penses, chi de Deus sun'amigas?
Tottu custu ti siad'appagante
Ca Deus lassad 'ormas e istigas.
Sos campos birdes, o su buscu umbrosu
Sun'operas de poderosu.

Abbaidende superbu ispettaculu
D'immaculados montes, a Deu adoro•
A vista mia, non faghen'ostaculu
Sa magestade e lughentesa issoro,
Proite penso, ch'est'unu miraculu
S'issos lspiccan nitidos che oro;
Esi mandan bagliore cristallinu
Est'opera de s'Artefice Divinu.


MAMA

Tra sas espressiones pius caras
Su narrer ama,non b'hat mezzus cosas
Sa frase chi fiorit in sae laras
Mam'est una paraula amorosa,
Est giara lughe,tra sas lughes giaras,
Simbulu de affettu e virtuosa.
Destat intimas gioias in coro,
Mama,lughe perenne ed est tesoro.

Suave criadura 'e sacrifiziu,
De bonidade e de amore immensu,
Curreggie e appartas d'ogni viziu
Cun su risu in sa'ucca e bonu sensu.
Mama,de sa virtude ses s' indiziu
E cheres profumada cun s'inzensu
Mama,alidu caldu 'e passienzia,
Isperanza e cunfortu ' e s'esistenzia.

Mama, sas breves sillabas in sinu
Passan sa manu in carignos de fada.
Mama est accordu mueicu e divinu,
Melodla che' cussa non bind'hada.
Mama,chl ses che crastu adamantinu,
Che granitica rocca piantada.
Mama,breve pronunzia chi non moridi
In ognu 'ucca isbocciat e fioriti.

Mama,ti giamat in bellu auguriu
In domo lussuosa su potente.
Mama,'enis giamade in su tuguriu
Inue abitat sa povera zente.
Mama,tue sullevas su marturiu
Ses guida e cunfortu a su dolente.
Mama,tue allezzeris tantos males
In sas corsias de sos ispidales.

Mama,ti giamat ognuna persone
Finza in sa solitaria campagna.
Mama,ses sa celeste visione
De tottu inseparablle cumpagna.
Sos poetas in ogni occasione,
Dae sa pianura a sa muntagna,
Cun dulches versos ch'a su coro falana
E cun rimas superbas t'immortalana.

"Lucet in tenebris"