Su oranu

Est su oranu...bella est s'istajone
Onz'irde ramu'e fozzas est bestidu
onzi amenu campu fioridu,
contat allegramente onzi puzzone.

Su pastoreddu allegru est fattu s'ama
non lu ldimus pius'incuguttadu
s'anzone puru allegru e' diventadu
paschende s'elva e belende sa mama.

S'iscolanu in su campu allegramente
giogat impare a sa margherittina
e i sa rosa de mesu s'ispina
est bessinde pomposa e sorridente.

S'abe in s'opera sua industríosa
s'imbruttad de su poddine fidele,
da su fiore che suzzat su mele
e lu giughet a domo premurosa.

Curret attraessende onzi muntagna
sa vera abitadora 'e su desertu;
ca su eranu l'hat in coro fertu
desizzat a fiancu sa cumpagna.

De sa palma ispalghinde s'est sa fracca
mentre s'olia est totta tremulada:
e tue glovanedda innamorata
anda a ti cunfessare,crasa est Pasca .

Pasca est passada...Gesusu cuntentu
est che a primu in terra caminende;
sos trigos sunu che mare undulende
si murmurende los basat su entu.

Su sonu 'e sa campana olat luntanu
dulche dulche perdindesi in s'aura
est onz'anima pia in preghiera:
est torradu su mese marianu.

Bella est s'istajone:est su eranu.

Tavolara


S'olfaneddu

Un'olfaneddu d'edade minore
de abrile una die a tarda sera
bidet sa mama in su lettu dormida.

Isse fit bellu che unu fiore
però sa mama bianca de chera
fit già olada a s'attera vida.

Pro non bi la turbare anina mala
da s'imbrunire finza su manzanu
s'Ispiritu Divinu l'at bizzada.

Battor anghelos la leana a pala
cun bonu modu e pianu pianu
b'andat sa rughe e potada si l'ada.

A s'innozente chi non ischiada
chi fit morta sa mama sua cara
da oju non l'est lagrima falada.

Cun sa tia,ca babbu no haiada,
e ca sa mama sua li fit cara,
che l'ada a campusantu accumpagnada.

Lehat basada e a domo s'est torradu
lassende inie tale amadu oggettu.
calcada in unu lettu 'e terra crua.

Cunvintu in mente,in coro rassegnadu
narzende a sa tia cun affettu.
chi dormid'est sa cara mama sua.

Tempus che passat.. ma unu momentu
cuss'angheleddu s'est intesu male
ca solu non podiat riposare.

In una notte de nie e de entu Nadale,
gelada,de su mese de nadale
andat sa mama sua a ischidare.

Da' su cancellu de su camposantu
la giamat:"Mama cara,chelzo a tie!
ischida,ca de t'idere appo brana!"

Ma senz'aer'rimorsu e rimpiantu
su entu malu e i su frittu nie
l'hat dortmidu a fiancu de sa mama.

Tavolara


Preghende sa Signora 'e su Rimediu

A sos pes tuos,Maria
afflittu e inconsoladu
m'imbenujo riverente.

Mama cara,dulche e pia,
salva da ogni peccadu
de custu mundu sa zente.

Mai nisciunu hat intesu
ch'apperas abbandonadu
chie ricurrede a tie.

Su mundu e' d'odiu azzesu
che vulcanu incendiadu
bottende lava onzi die.

Cant'animas caminende
sunu in istrintu caminu
e in mesu sas ispinas!

Tue bi sias pensende
Mama 'e su verbu divinu,
o reina 'e sas reinas!

Tanta zente ancora bada
sutta s'inimigu assediu
chi tottu suffrini incue!

O Maria Immaculada.
Signora 'e su Rimediu,
dailis rimediu tue!

Cantu n'ada in ispidale,
in dono e infermeria
coros in pena e affittos!

Salvalos da onzi male:
a s'ins oro maladia
manda azzudos beneittos.

E si calchi guvernante
est pienu 'e odiu in terra
nieddu comente moro;

pensabi tue in s'istante:
chi mai non fettat gherra!
Toccali tue su coro.

Cando,in s'ultima agonia
appo a pensare pius forte,
a sa ennida 'e sa morte

accogli s'anima mia!

Tavolara