SU DOVERI DE ABETAI

Mesu seculu de vida passau
Mancai arrogus e a mossius
Arrexiduras in strobus arestis
Imbrunchidus a peis iscruzus
Lissiaduras in cungiaus ludosus
Gosus in campus ben' araus
Gosus in tancas cruas
Bisus bividus e scarescidus
Disigius sighius e non cassaus
Una vida bivia tra prexu e pena
Una vida bivia cun speranza
Sa speranza de bivi in paxi.

Hoi
zeraccu de su tempus

Mi sezu in mureddas fridas
Ammiru sa genti coidosa
Chi andat e torrat peri bia
Osservu su becciu e sa beccia
Cuntemplu su giovunu e sa giovuna
Mindi prexu po pipius e pipias
Giudicu su prossimu a prexeri
Scidendi ch' est cosa de non fai
Ma ddu fazu su propriu
Poita atru de fai
Propriu non tengiu
Chi non su doveri de abetaì
Castiendi su tempus passai.

LEONARDU PORCEDDU. (20.10.2002)
Nato a Mogoro
il 24.11.1952.
Residente in VIA ELEONORA
72
09095 MOGORO (OR)
tel. 0783.991618.