Premio OzieriPremio Ozieri di Letteratura Sarda 

Informazioni sull'opera

TESTO


SA MAMA DE SU SOLE

TEnia REmonida SA cara sua in sa mente.

Mudu mirende unu picculu de pabiru isperdidu in su fundu de unu calasciu. Sigo
mirende: unu cacciucciu de omine m'abbaidat risittende. Una femina l'abbrazzat.
Insegus
su sole alluinadore in su grogu dilliriante de s'istiu.
Sa terra
resinnada a sa caldura
solovrada in chelvias minudas de luzana
crebada
in sulcos de siccagna
aisettat in debbadas unu filu de abba
lebiu recreu a sidis de
antigoriu.
Mattas caldiadas de mudeju
brottadas a marrania
ispinghen ratos a su chelu chin
fozas allaccanadas
appiccadas chin fadiga in s'isettu de sa prima assaccheddada de su
bentu.
Una tuppa de latturighe
tuddida a iscuidadas in sas pelcias de una rocca
isperrada
dae sas iscorriadas de su sole
lenta s'isvenat succuttende guttas de latte pigulosu.
Fozas isparghidas de armuttu
inghiriadas a corona
arrodian unu bacchiddu
nieddu e alliveradu. In sa punta
chimas siccas
reas che manu pesada a chelu
paren
preghende pasu dae sa cama disappiadada o fattende chin fele iscramu a su sole in
corrias de fogu imboligadu.
Unu ozastru ismuzzurradu
ficchidu in su terrinu chin raighinas taruladas
si pesat
in sa costera
offrende in-d'una tuva alabinna a carchi ispadarranza chi sighit bolende
feri-feri
disaffiende s'aera attrasteddada de suore.
In mesu a sas roccas
duos tentorzos arreminzados
appurados dae muscas
muidoras
andan a su tamba-tamba
alluinados
chirchende cannittas siccadas de filasca.
Inue tottu s'illadiat s'aera imberghida in su calore e non dat ope.

Mudu iscultende a pabiru in manu su sonu de sas undas carradoras de su tempus.
E dae su paule de sos ammentos bessin a bellu a bellu battor criaduras
prellas de lentore
a manzanile
e donziuna intonat una taja lebia che bolu de mariposa...
E si pesat in notte de iscurigore sonu de janna zoccheddende a toccu siccu. E si
biden in lugore anneuladu de sa luna duas upas illongadas in giannile. E s'intendet una
boghe niedda
battida dae s'istria in notte de temporada
juilende a s'omine de sa domo.
E solas abbarrein
mama e fiza
unidas in abbrazzu de assustu.
E tue
fiza cara
fiza bella
bucca serrada in s'assucconu
ojos allampados in
s'iscuru
la torras sempre a bider a sa mama de su oriolu: abboghinende muda de
disisperu
manos teteras trogadas a sos cuidos
affusende preigas in su faeddu sou
a
tales chi torrerat s'omine de sa domo
ingullidu dae su notte pighidu
pro sanare sas
feridas de carchi irrobatoriu andadu in ora mala.
Lampos de ammentu sighin ilgiarende fattos isvanessidos. E si bidet unu pizzinnu
lanzu e siccu aisettende chin oriolu sas mantas carrarzadoras de s'interighinu. Cando sa
lughe lobrat su reposu e in s'iscuru si pesan sas pantasimas baddinosas chi imboligan sa
mente e bettan francas a su coro chi si truminat in-d'unu ballu de s'arza chena pasu. E
s'aberin in su notte ojos de disisperu pedende pibinnidas de paghe in su ludu de su
pasmu.
E tando s'ammustraiat issa
sezida in sa culchitra
chin brazzos pijados

arrambados a benuju
a defendere su sonnu de su fizu. E-i sas pantasimas de su notte

sas erinni de su dolu
sessaian sas boghes de dilliriu
sas risadas de macchine
e intraian
chiscidas
resinnadas
introbeidas
in sa mandra de su silenziu
pro s'isolver a
s'illugheschida in sos primos buttios de su lentore
che fioccas de nie abbanziguladu.

E-i su fizu
assussegadu
sagumaiat in s'ultima alciada de pibirista
chin oju
ingalenidu
sa fonna giara de sa mama de sa passienzia.
E-i sa fizighedda
riende
brinchende
ballende
fattende s'ancallitta
che
morroccula troddulende. Risadas e anniccu
annuzzu e risittos ischidaiat in su coro de sa
familia. A sa colada sua tottu bolaiat in s'aera che juntas de restuju in s'arzola. Appentu
e disisperu de sa domo. Ma cando in su serenu avanzaiat su notte
unu sentidu de neghe
si l'arreschiat in bula e in sos brazzos de sa mama
a mesa boghe naraiat:
-Oh ma'!
- Nara
fiza mia.
-.. .Iscudemi a iscattuladas...
-... E proite?
- Ca oe fia troppu mala...

E chie si podiat anniccare
fizighedda? Chin duas peraulas isolviat sa mutria e

ninnada dae su cantu de sa tonca
in-d'unu minuteddu già cosconaiat in s'abbrazzu de sa
mama de su contivizu.
E niunu hat'ismentigadu sa cara orrorosa de su fizu istimadu
su pius minore

cando issa
tucchende
desparessiat che neula a mesu die. In tottue la chircaiat:in donzi
pelcia de domo
in donzi chizolu isvanessidu
boltulende pedras ladas in sa corte
sutta
onzi contonera
chhi s'oju inzeghidu dae sas prellas de su piantu.
E cando onzi isperu fit interradu
cando sa mama de s'anneu no poderat pius
recuire a parare sas zaccullittas
curriat a coro abbolottadu in s'apposentu
ispampinaiat
sas jannittas de su cantaranu è abbrazzaiat sas vestes de issa
las istrazzulaiat

imberghiat sa cara in s'ultima bucchiada de s'ispera
nuschende pro aggarrare s'ultima
istiga de sa presenzia sua.

Ma no t'hat ismentigadu
fizu de tristura: mama tua hat a recuire e-i sas lugherras
de sa losania han a torrare a lughere innantis de sa fine de sa chida.
Cudda lugherra però de lughere hat sessadu
fizu de dolu. S'upa niedda de
s'agabbadora
s'accurzieit in su grogu dilliriante de s'istiu: muilos de bentu luadu

carradores de dolore
l'abbrazzein intrendeli in sas intragnas e si la gittein a bolu de
unturzu rodiende in sa neula de s'isconnottu.

Mudu bessende dae su paule de sos ammentos. Torro a bidere unu cacciucciu de
omine in-d'una fotografia
abbrazzende sa mama de su oriolu
istringhende forte a sa
mama de sa passienzia
riende in cara a sa mama de su contivizu
basende sa mama de
s'anneu.
Sighe abbrazzende a fizu tou
mama de su sole:

Pustis

coladu tempus pagu

su grogu dilliriante de s'istiu

sa terra resinnada a sa caldura

solovrada in chesvias de luzana

t'han a accumpanzare in sa dispedida

mama de sa passienzia

mama de su dolore

mama de su sole

mama sola...
...mama...

SCHEDA DELL'OPERA
TitoloSA MAMA DE SU SOLE
Sezione
AutoreMarco Dettori
NomeC20030010
Anno2003 
Argomento 
Descrizione
Lingua 
EditorePremio Ozieri
ContributoreTecnoService
Tipo 
Formato 
FontePremio Ozieri
RelazioneConcorso Premio Ozieri 2003 
CoperturaItalia, Sardegna, Logudoro
DirittiComune di Ozieri - Premio Ozieri
Analisi del Testo

Novità

NOVITA'

Epigrafia Giudicale. Sant’Antioco di Bisarcio: un’epigrafe commemorativa (1190-95)

 di Gian Gabriele Cau

 

Il saggio è stato pubblicato in  «Sardegna Antica: culture mediterranee», n. 50 (2016), pp. 35-42.

 

 

In una precedente occasione, sulle pagine di questa rivista, si è trattato di una iscrizione graffita nella chiesa di S. Antioco di Bisarcio, in agro di Ozieri. Si presentò, allora, uno studio sull’epigrafe

NOVITA'

Un inedito simulacro del Cristo Risorto (1780 circa) di Giuseppe Antonio Lonis, nella chiesa di S. Lucia di Ozieri

di Gian Gabriele Cau

 

Nel primo numero della «Voce del Logudoro» di quest’anno (VdL 22 gennaio) si dava notizia di cinque inediti simulacri del patrimonio di arte sacra di Ozieri, attribuiti, sulla base dell’analisi stilistica, a Giuseppe Antonio Lonis concordemente considerato dalla critica il massimo rappresentante dell’arte scultoria in Sardegna della seconda metà del Settecento.

Eventi e Iniziative

PRIMO PIANO

61^ EDITZIONE: PREMIASCIONE ONLINE!

SAPADU SU 27 DE FREARZU, A ORA DE SAS 17,00 PREMIASCIONE CUN DIRETTA ONLINE YOUTUBE DE SA 61^ EDITZIONE DE SU PREMIU OTIERI

Pro bider sa diretta clicca custu: Youtube Premio Ozieri

OTIERI: SA PATRIA DE SA POESIA

PRIMO PIANO

SEMIFINALE POETRY SLAM SARDEGNA 2020

col patrocinio del Premio Ozieri di Letteratura Sarda ed il Comune di Ozieri, ospiteremo la Semifinale del Poetry Slam Sardegna.

Venerdì 11 settembre, CAMPETTI SAN GAVINO, ORE 20,00 - Ingresso libero
(ATTENZIONE: IN CASO DI MALTEMPO L'EVENTO SI TERRA' AL TEATRO CIVICO "ORIANA FALLACI")
L'evento è parte integrante del ricco programma della 61^ edizione del premio Ozieri di Letteratura Sarda ed inserito nel cartellone della manifestazione “ESTIAMO IN PIAZZA 2020”, organizzata dal comune di Ozieri.

PRIMO PIANO

61^ EDITZIONE: SOS PREMIADOS

PREMIO OZIERI - 61a Edizione 2020

 

V E R B A L E    D E    S A    G I U R I A

 

Sos premiados

Setzione 1 - Poesia Sarda «Antoni Sanna»

  1. Giovanni Fiori: In su montiju meu
  2. Gian Bernardo Piroddi: Comente artizaias tue
  3. Pier Giuseppe Branca: Istadera de su mundu

 

PRIMO PIANO

60^ EDIZIONE - MANIFESTAZIONE PUBBLICA CONCLUSIVA

60^ EDIZIONE - MANIFESTAZIONE PUBBLICA CONCLUSIVA, PREMIAZIONE DEGLI AUTORI E RECITA DEI LAVORI.

OZIERI, SABATO 29 FEBBRAIO 2020 - TEATRO CIVICO "ORIANA FALLACI", ORE 15,30

Ospiti:

i poeti premiati nelle 3 sezioni del bando, Banda Brigata Sassari, Giuseppe Meloni (storico), Salvatore Ligios (fotografo/editore),

Torna all'inizio del contenuto