S'ultimu romanticu

Zuseppe
ca non benit currispostu
de s'amore chi tenet po Nenarda:
li cantat custa notte in rima sarda
a issa
medas versos cat cumpòstu.

Ammàiat sa chitarra cun su sonu
e-i sa oghe liber'atonàda

e cuminintzat sa bella serenada
cun cuddos versos nados a cantzònu:

Da chi faghes sa miràda
mannas fritzas che Cupìdu;
custu coro chi has ferìdu
sanamiddu
ogòs de fada!

Est de ora cantanne
tott'in festa
hat su coro
dringhigliat cun s'arpìzu
sas cordas
ma
non b'idet chi aìzu
iscanzàda
si fuit sa fronesta

e Nenarda l'imbòlad'unu frore
de cue
e li ferid'a su nasu
però
ca fit su frore"intrò"su vaeu
abòghinat zuseppe a su dolòre!

Unu carabigneri
a su baccànu
accudid'e li narat de osìe:
impèdis su riposu
zedi a mie
sa chitarra ch'istringhes intr''e manu!

Zuseppe narat:nono
e de iscàttu
si che fuit
e cuddu ca fit betzu;
li aporrit un'ater'amenètzu
ca no hat forzas de li ponner fattu.

Tntantu
cuddu curret che"Mennèa"
però
ca l'atraèssad'una zarra;
ch'istovòcad'a suba'e sa chitarra
e l'ischìtzad'in cussa rutta fea.

O Zessu
ite notte castigàda!
S'innamoradu de nou rispìntu

de sambene
su nasu ancora tintu
e sa chitarra tott'iscqualtaràda.

Pentzànne a su tempus de-i como
chi ponet su romanticu in disùsu;
addoloridu
istraccu
e delùsu
a piòtt'a piòttu torrat car'a domo.


Serenadas:usantzia antiga de idda
chi est zai raru a nd'intenner una.

Kanni Molinero: vico II sa Nughe
2
Santulussurgiu (or)
Tei.0783. 550.238

Saludos a totus