Ozieri e la sua festa in onore della B.V. del Rimedio

1
Posta tra campu e monte,in s'intermediu
in un'altura 'e fronte a Munserradu,
b'hat unu santuariu incantadu:
est de Nostra Signora 'e su Rimediu. "

2
De Ottieri sos otto 'ighinados
s'istenden in sa rabida costera,
in su coro in attu, e mama vera,
si los astringhet che fizzos amados.

3
Mama de bellas feminas est custa
terra de incantu,e de muusas suaves;
ma in su passadu ,in penas graves
s'est de amaras lagrimas infusta.

4
Oh! cantu sidis,misera,hat suffertu,
aih! canta malaria,in su campu
senz'unu 'utiu 'e abba-ne unu rampu
chi l'haerat fatt'umbra!Unu desertu!

5
Grazia 'e sa Madonna e de su nou
inzeniu oberosu,oe fiorit
a sa luma'e sa Fide chi non morit:
istella fissa 'e su caminu sou.

6
De,Ottieri,non senza rejone
preghende s'imbenujat a s'altare
cun rinforzada ispera,a invocare
sa Santa Sua Benedizione.

Corveddu Salvatore (noto Grolle )
Nughedu San Nicolò