OMAGGIO ALLA GIURIA

Anima, core mente present'eo
a su cuncursu,chi si faghet'oe,
ch'est su quartu poeticu, creo.

Tia cherrer torrare cal'eroe,
cun coraggiu, cun forz ' impit ' e briu,
che da su bindigh'a su deghe'noe,

pro aer dimustradu san'e biu,
de Ottier'a su pupul'intreu,
ch'isfidao sas'undas de ogni riu.

Oe mesu distrutt'è s'esser meu
ca sos ' annos imbezzan'ogni nou
o sia tempus, sa natur'o Deu.

M'azzardo ness'appen'a dare prou
chi a calchi cositt'ancora giuo,
cantu dur'Ottieri in sinu tou.

Da chi s'ora fatal'enit chi ruo
e ch'ass'eternu reposu m'avvio,
serro sa ucca pro sempre concruo.

cantu restad'alenu, cant'iscrio,
e invecc'e m'intender nezzend'oi
versos rudes a s'aria ch'imbio,

in modu chi s'ammentu restet poi
azzesu sempr ' e prefferid'assai
da sos umanos chi la pensan goi.

Chie no lassad eredes guai
de affett'Ugo Foscolo lu neidi
chi cuntentu non podet essermai.


Restat sempr'infelizz'ispiegheidi
si non da fruttos'a s'umanidade,
si ponet in camin'e no impeidi.

Rued in assoluta povertade
amore, vid'iscenzi ' e vertude,
isviluppu, progress'e ziviltade.

Su cantigu presento, ruzz ' e rude,
pupul'Ottieresu ch'appo fide
e ispero ch'a su dover'acqude

cun s'illustre giuria cumpatide
e in bon'armonia giudicade
sa man' in sa cuscescia bos ponide
sonora chie merita lu dade.

IL POETA
GEMMA


A SA SOZIEDADE

Sozzi'e su Remediu galante
ammiru de s'otieresa zente
e de s'isola Sard'unidamente
già ricconnottu dign'e importante,

Cun su cussizzu sapiu bastante
sozzios, cumitad ' e presidente,
festedas bene continuamente,
e cun salude fortuna costante.

Tia cherrer'a tott'a un'a unu
augurar'e toccare sa manu
a sos presentes ch ' onorende sunu,

a istranzos et ' ogni paesanu
sinzeramente, de cor'at'ognunu
e cun sacru rispettu cristiana.

IL POETA
GEMA


A SA VIRGINE SANTISSIMA

Virgine, pro sas' animas mischinas,
isparghe grascias'a manos pienas,
pro sonant'a festa sas sirenas
e campanas foranas e bighinas.

Cun melodios sacras e divinas
armoniosas musicas terrenas
sonant puru sas trumbas prus amenas,
sol vapores, in tottu sas marinas,

in sas domos, in chegias e capellas,
tu'in tottue luminosa brillas,
accumpagnada dai sas'istellas.

De su chelu, cuncordas tottu millas,
cun coronas de oro sas prus bellas,
che anghelas, t'adorant tranquillas.

IL POETA
GEMMA