Oi e no cras

Chi iat iscìpiu
ca su destinu sù
fiat drivessu
no iat pigau fueddus
cun nemus

a bortas
no si tenit
su tempus
po aparixai
is cosas cun totus.

Chi iat cumpréndiu
ca is dis suas fiànt contadas
t'iat circau ariseu
po ti nai
cantu contasta po issu.

Pensaus sempri ca cras
eus a tenni prus ora de oi

ma s'incràs
a bortas

no obrescit po totus.

E insaras
nontesta
deu puru ap'abarrai scida
scriendi a totu cussus
chi depu saludai
e fortzis no ap' acudi

a fai isciri a totus

cantu amori dui est
po issus
in su coru miu.

Nemus
sununca
s'at a podi
arragodai de mei

de is sentimentus mius
chi no apu acutu a contai.

Ap'a abarrai scida
nontesta
puru po carignai sa cara tua

no ia a bolli scaresci
nudda de tui
chi ses s'àiri de sa vida mia

e su sobi chi callentat
s'anima mia.

Berrittedda

Debora Steri
Nata a Oristano il 28 gennaio 1973
Residente a Cagliari
in via tiepolo
8

09121
Tel. 070.541700 cell. 349.6377971
Seu de Figu
fratzioni de Gonnosnò
in provincia de Aristanis