MUSICA NATURALE

Musica est su murmuru'e su riu
sa chi faghet sa muida su entu,
su cantu e sos grillos in s'istiu.
da chi sas arvures sunu in movimentu,

Musica est su mare abbolottadu
su risu, su faeddu de sa zente,
sos puzzones cantende, allegramente,
sas ranas, in coru mannu fermadu,

sos canes cande sunu abbaulende
sas baccas, giamendesi sos brigos
sas ispigas d'oro mùen de sos trigos
S'abe bruna mùsicad, olende.

Musica est su piantu umanu,
sos tronos chi mòen sas aèras
sos ùrules tremendos de sa fèras
musica piena de segretu arcanu

Padrilla


CORRU - BATTICORRU - ZARRONE

Corru, Batticorru c ZarrONE:
custos tres han fAttu cumpanzia
de bona razza e de menzus zenia
ridiculu, ispassivu e buffone,
de s'altu rangu de s'aristocrazia,
sunu suggettos ettos in donzi chistione
coronados e de nobile testa.
Ue sunu issos b'hada sempre festa.

Tottos trese essini a passizzu,
C'hana una chistione de segare,
e d'onzunu b'est ponzende contivizzu;
ma lis est dende ite bi pensare;
sun serios, e cun pallidu chizu
pensende a su -gradu e leare:
a chie sa fortuna est in favore
lea postu e gradu superiore.

-DUINA-
Zarrone: Cherzo a mi narrer: Signor .direttore;
usademi riverenzia e ríspettu.

Batticorru: Ma eo puru appo gradu de Ispettore:
Corru, chin megus istadi suggettu.

Corru: isco chazis' gradu superiore
ma Mastru Corru est senza difetu.

Zarrone: Corru, Batticorru, de nazione
a cunfrontu a bois so unu signorone.

Batticorru: Ischides c'appo doppiu fundanentu
dae sa razza mia antigoria.

Corru: , i razza mia, a chentu a chentu,
registrados sunu in donzi istoría.

Zarrone:E i sa razza mia est ornamentu:
onzunu la -giughed in memoria.

Batticorru: Ma chie che a mie bene fundadu?
Este Natura chi mi hat fadadu.

Corru: Eo so de su mundu insegnante
e tenzo dirittu de intrare in tottue

Zarrone: A cunfrontu a mie sese: menguante:
stai zitto, gran faccia di bue!....

Batticorru: E deo in meda logos so regnante...
Corru, a serrare serra tue.

Corru: E gai finimus su distorru:
chie non nara corru, l'intret, corru.Padrilla


LAMPADAS

Sos surcos, su manzanu allentoridos
in mesu, bellas, sas ispigas d'oro,
sos puzzoneddos, ziulende, in sos nidos
sos pastores chin sas amasa issoro,

in nesu a sos trivezzes fioridos:
cantende, toccaian donzi coro,
rosignolos in sos rattos costoidos
sos cantos intonende cun decoro.

Sas abbas murrurende in su trainu
appar'appare sas trizzas filende,
senz' isbagliare mai su caminu,

Sas tutures, in arvures olende,
allegramente fattende festinu
e pianu pianu su sole iscardende,...

fitianu, metodicu e continu!...

Padrilla