MONTE RASU

MERIENDHE

Est mesu die,brujat s'orizonte
che de rajos de fogu dominadu,
una foza non movet in su monte
dae su cantigu 'e s'ena ninniadu;
cumparit in sa serra dogni altura
bestida de antighissima tristura.

Sutta sos chercos,pasant,meriende,
tranchillas,sas berveghes,aumbradas,
s'ischillia,ogni tantu tintinnendhe
che dae olos de aes suguzadas,
guardendhe sa tasca e su fusile
su cane allorumadu est in coile.

In s'oru de su tacinu sezidu
su pastoreddu calculat s'armentu,
unu ticcu de abba saporidu
agiuntas buffadu s'hat,cuntentu:
poveru pranzu,fattu 'e bonagustu,
unu cantu 'e orzatu in latte infustu.

Ogni tantu un'allegru ziroliu
sa aerula Incumandhatda su nidu,
a sa lenu muruttu de su riu
s'abbizat,non pretendhelu,dormidu,
sonniendhe sos tempos venidores
bundhantes de ricchesas e primores:

In giardinu su campu trasformadu:
ne' ludraos,ne' cruzos,ne' lidones,
dae lughentes trattores seminadu,
fruttuarios cun canales e griffones;
massaias sanas,fortes,tottu risu,
meres de unu terrestre paradisu.

Olias senza contu numenadas,
calarinas, pomposos, curridores,
inghiriendhe sas tancas serradas.
A chentinas massajos e pastores
unidos tottu in d'unu coru solu
gosan sa vida e non connoschen dolu.

S' ischidat che de tronu assaltanadu,
si fit aberu,o faula pensendhe,
sas berveghes haiant suguzadu,
addainanti las ponet isclamendhe:
Cuss' AURORA felice,pro favore,
accansade ch'ispuntet,0 SIGNORE.

TIGELLIO


SU FOGU INSU MONTE

S'intentu de una manu ispietada,
postu in luttu a su logu,
in fumu ch'est pigada
sa foresta a s'allupiu de su fogu.

Ite disastru!....s'odiu hant espremidu
chi bundhaiat in coro,
mezoru non hant bidu
ma.... in chijna un'isplendhidu tesoro.

Sa ricchesa 'e sas baddhes,s'ornamentu
de sa costera unida,
de seculos s'ammentu,
ruttu pro una vinditta inferocida.

" Non bi hat si no roccarzos in s'altura,
che pranta 'e manu nuda,
bestida de tristura,
fruschiat su entu,issa est sola e nuda.

Fit un'oru de chelu sa foresta;
tottue risu e briu,
la poniant in festa
brindhendhe,sos istranzos,in s'istiu.


" Cun s'ama pius non pasaat su pastore
li fit gustu e disvagu,
infustu de suore
pro fagher sutta s'umbra meriagu.

Pistighinzosu,afflittu,'e malu umore,

su fusile appicadu,
mirat su cazzadore
e i su monte 'e su tottu corrutadu.


" Atera orta,narat,nos semus bidos
pro totta sa nottada,
in posta custoidoa,
sirbones de cazza fortunada!....

In su sinu 'e su monte addoloridu,
pianghet finzas su riu,
chirchendhesiunu nidu
s'itendhet,de sa merula su piu,


" Su pianto acoradu de sa mamas,
ancora ident sos fizos,
brujendha in sas fiamas
brivos d'ajudu serrendhe sos chizos.

TIGELLIO


SAS ABBAS DE GOCEANO

S'isparghen,cristallinas,da' altura,
sas abbas bundhantes in sos rios,
fattendhe in sa falada allegros brios
e brillan de su sole a sa lugura.

" Nois,semus,intonan,udhas puras,
proimus ,lenas,lenas,da' su chelu,
senza urtos colamus e rezelu,
curresa de ricchesas e duizuras.

Rodian sos puzones in aeras,
s'allegrat sa campagha fiorida
achistat su laore noa vida,
e in sa tanca gioghitan sas fieras.

" Sempre presse tenimus ca in lestresa,
a sos cantaros,friscas arrivamus,
s'in s'umbra un' istante riposamus,
nos chircades invanu sa bellesa.

Non sun custas sas abbas cittadinas,
chi de gustu cumparen a colore,
ponidelas in laras ..... ite asprore! .....
Ingullides tazzones de meghinas.

" Pesadebos ..... e gai ismentigades
sos triulos chi mossigan su coro,
non aberides sos ojos troppu a s'oro
chi serrat sa salude e amistades.

Melodias e bolos e fiores,
bos regalan sos meses beraniles
triulas cum austu sun gentiles
de surcos marizantes de laores.

" Cabidanni ogni fruttu saboridu:
piras abbosas,pessighes,udrones,
in ierru barriles e tazzones,
chi ponen sos turmentos in olvidu.

Prite tuntu pregados bos faghides,
sas frunzas,zanzighendhesi,in s'altura,
sas baddhes tottu ammantan de friscura
e un'istante 'e riposu bos godides.

" Intonenhe in falada custos cantos,
lompen su sero a tardu in oru 'e mare;
gai curren e solen acabare
sos dolos,sas ricchesas,sos incantos.

TIGELLIO