LA CAMPAGNA.

La fatta era andadda propiu di cussi: Andria si l'ammintaba cumenti fussia arimani...
Signor Andrea, guardi che per il suo pezzetto di terra le stiamo offrendo molto di più di quel
che vale: dieci milioni, pensi!
Nossignore, no e no!
abìa riposu Andria
e li pignìa lu cori.
No lu pudìa barià: chisthi di continenti n'accudìani inogghi a falla da paddròni
fabiddendi tutti
lisciggosi
magnendisi li parauri e puru la figga chi v'era innant'a la banca. Li dazìani un
crebbu!
Guardi: poiché è la terza volta che veniamo a trovarla possiamo iniziare ad usare - che ne
dice?- un tono più confidenziale: noi la chiameremo zio Andrea, lei ci chiami pure dottor
Fabrizio, che sono io e dottor Anselmo, che sarebbe il mio collega...
Si...Duttori! Chisthi no sani mancu cos'è un'arrumaddìa.
Abia pinsaddu l'ommu.
Vede zio Andrea, noi non saremmo granché interessati alla sua campagna: gli è che essendo a
pochi metri dal mare ed essendo che le nostre mogli hanno necessità di respirare iodio...
Iodio, ha dittu...Mi sa chi so' duttori avveru chisthi dui...
...Ultima offerta, poi non verremo più a disturbarla: quindicimilioni!
Ne parlo con mia moglie, chè facciamo le cose assieme e che la metà della proprietà è in testa
a lei...Domani daremo una risposta.
Cussi s'erani lagaddi chissa séra.
Graziè, chi ni di'? La viriddai, eu ni soggu isthraccu di passà chisthi dui dì chi zi rimanini a
cumbattà cun d'una terra chi oramai abemmu truppiaddu be' be'... Abarabà! No dazi più
nudda...cumenti una pasthòggia chena più latti...Cosa ni di'?
A Grazietta li s'era allagaddu lu cori: "Ehia Andrì
soggu tant'anni chi ti lu vurìa di'... Zi
semmu invicciaddi inogghi chena mancu abizazzinni
magnendi cunigliuri
obi
giaddini e
pumatti. Li tempi so' ciambaddi e pa' noi è giunta sera. No abemmu auddu la furthuna d'abé
figliori
e di daga chist'ettaru di campagna a li parenti toi
chi venini una voltha all'annu
a vidè


abisuméu si semmu murendi pa' pudessi imparthì lu be'...bah! No vi pensu propiu. Ascholtha:
abemmu la pinzioni sociale
zi n'andemmu in affittu in ziddai e chissi dinà
chi no so'
pogghi...cand'è chi l'ai visthi mai quindizimirioni tutti umpari? Chissi dinà
dizìa
zi seivarani
pa' lu bauri
vedarè chi v'escini tutt'e dui
unu pai me e unu pa' te."
Andria s'abia grattaddu lu nasu:
Ah! Beddu pinsamentu di cunsoru mi sei dendi...No ai althri prinetti? Pari chi d'abà vi sia lu
coibu drentu casa! Boh boh! Ajò a curchazzi, chi no aggiu gana mancu di magnà 'sthanotti.. .
Brodu di giaddina, obi frissi cun pumatta e ziodda, pa' ciambà!
abia fattu Grazietta
a
iffuttillu.
T'era dizendi chi soggu isthraccu, e poi la notti è fatta pa' pinsà. Dumani a menti frescha
n'arrasgiunemmu.
Abiani passaddu la notti tappa e isthappa 'i lu lettu senza dissi una paraura. L'ammenti e li
rimpianti abìani pienu la notti a tutt'e dui.
Andria no' ridiscìla a piglià sonnu. Si pudìa dagà un loggu di lu genere? Lu vantu di tutti li chi
v'accudìani! Chissa pèra camusina...lu barracocu dozzi che lu méri...l'aiburi di figga... Cantu
trabagliu e chi sudaddi
mussigghèndi e immurigghèndi a zappa chistha terra chi cuniscìa
paimmu a paimmu. E canti maramori candu chissu ventu saramattu...Foggu di l'inferru parìa

candu buffaba da lu mari aburuttaddu di ginnagiu
brusgendi li firari ancora criadduri di la
faba
di lu bisellu e di cantu v'era. O candu no
si zi fuggìani li cunigliuri e si magnabani
tuttu...finamenta lu preddusimuru
virenu pai eddi
chi diffatti ni muriani a frundia. E li
giaddìni? Chi dugna tantu li pigliaba lu mari di la pibidda e bisugnaba inchuminzà torra puntu e
a da capo. Ma parò
chi vidda sana! Andria s'era mantesu sempri tettaru in canna
sempri
nieddu che tizzoni
tantu chi li femmini d'avvizzinu calche pinsamentareddu cun eddu vi
l'abìani fattu...Ma Andria era troppu pigliaddu da chissa muglieri chi l'abìa fattu pirdhì lu
cabbu cand'erani ancora pizzinni
e a ciambà minesthra no v'abìa mai pinsaddu...Oppuru si

calche voltha
massimu candu 'gnora Ipiranza
la muglieri di chissu buccarottu d'affaccu vi


l'abìa fattu cumprindì in milli e un modu. Ma Andria magari di maragana s'era trattesu e be'
abìa fattu
chi no si pudìa tradì l'amori chi Grazietta l'abìa daddu
sirenu
chena macchini

chena isthrallèri...
Nemmancu Grazietta ridiscìla a tanca occi. Chi fa? L'affrizioni pa' chiss'ettaru di terra no lu
pudìa nigà. Infusa d'amori abìa sighiddu lu mariddu in chissa tanca. D'althra parthi
massimu
allóra
l'amori era ceggu e no s'abbaiddaba tantu a la faculthai di chi ti si pigliaba. Andria era
zappadori e zappadori si ni sarìa morthu
ancu si eddu era sempri cunvintu chi la mugneca - e
umbè puru - si pudìa ammuntunà puru mugnèndi la terra. Eh
sì! Mugni
mugni! La vidda
inogghi z'era liscigadda lisgia che ozu
fin'e troppu. A volthi
massimu i li prim'anni di
cuiubera
a Grazietta vinìani l'impiddi di turrassinni in ziddai
ma erani soru mamenti. Mai i la
vidda abarìa pududdu pinsà di mullà chissu mariddu chi la fazìa muri candu d'isthiu
innamurabani sott'a l'aiburi di la figga
sippuru edda si trattinéssia di fa un cassisìa tunciu
chi
si ni vagugnaba assai. E puru d'inverni pa' di'
a sott'a li linzori
sippuru tettari che la jazza

cun dui carigni pigliabani foggu chi paglia
e candu lu ripiru d'eddu si fazìa più pisanti edda si
mussiggaba la linga pa' no fassinn'iscì mancu un musciu. Acchì
oltrhi a la zantara chi pinsaba
si ni pudéssia fa eddu
no li parìa giusthu di prisintassi a zicchirri addananzi a la criaddura chi
pudìa pianalla da un mamentu all'althrui
la criaddura chi no arribési mai. Tuttu di cussi
fin'a
candu Andria si la pudìa: poi da una di' all'althra si l'era appizziggaddu lu mari di la giogga
e
ciau. Dizi chi l'era junta la prostata o cumenti diauru si ciamma
chi s'abìa posthu traschuroni e
chi dubi'assé operaddu
ma sippuru
no vi saria isthaddu più nienti di ruzziggà in fattu di chissa
cosa. Eddu mancu in funtummu: "Megliu pisassinni da lu lettu zincu
sei volthi a notti chi fassi
trappà pa' poi murì i l'ipidari
tantu
la meccanica guastha è
e guastha rimani!"...
Lu manzaniri l'acciappési a occi imbambarriaddi. E Grazietta pigliesi curaggiu:
O Andri, a vi l'accunchemmu? Era pinsendi puru chi femmu un'obara bona a li muglieri di
chissi, chi so' maraddi pobaracci, e chi ani bisognu d'oidio. Chi ni di'?
Andria abia fattu di sì cu lu cabu. E di cussi era andadda...


Candu l'althra sera s'abìani pigliaddu lu trà' chi abà arribi fin'a la campagna und'isthazìani - e
chi dabboi vindudda n'abìani fattu maraddìa mara - era
s'abìani dittu
pa' vidé si lu loggu era
sempri tentu be'; ma no s'abìani dittu chi tutt'e dui n'erani murendi di marincunia.
Ma la campagna no v'era più. V'era un ammassu di ciappitti tutti in curori rosa e viora
cun
balchoni groghi e cabisthuri nieddi; di l'aiburi dagaddi no vi n'era unu che unu: paimizzi

pianti brasiriani
eiba pa' fa magna un masoni di peguri...e boh! Undi v'era lu pozzu
una
bazza manna piena d'eba
e un attruppogliu di jenti mezzu nuda a mogliu
chi zicchirriaba e
buffunaba.
Ai visthu Graziè...
e la bozi di Andria arrugghidda d'imprubisu trimuraba: "Ai visthu Graziè
cos'era la maraddìa di li muglieri di chissi digraziaddi? La maraddìa di li dinà... A lu ve' li
cuntinentari? Z'ani pigliaddu pa' l'eccetera: chissi no' si magnani soru li parauri ma s'ani
magnaddu puru la paraura
chi li fària un raiu e un pisthòni!"
No giasthimalli Andrì!
abìa suipiraddu Grazietta
chi abarìsthia pientu a rodduru di disiperu

ma s'era trattesa pa no infischì ancora di più l'ipina di lu durori in cori di chiss'ommu
ivviriddu
chi dui anni fa era ancora tettaru e beddu all'occi soi
e abarabà incicciaddu e seccu

e la faccia muggaradda di ziddai. Tempu
poggu o assai
vi ni saria rimasthu ancóra
pa' pignì.

Ignazio Sanno
via Ospitane 4 - Sassari
Tel 079 399102.