In is arratus de su maistu

Torrada


Su maistu geniosu
hia bolli sighiri


po provai a 'scriri
cun s'arti a cantai


arrastu a circai
andu po ddu sciri


hap'a bolli biri
ch'imparu a 'ndi fai.



1

Ch'imparu a 'ndi fai e chi seu capassu


de agatai sa 'ia chi portat a issu


'ndi liggiu e circu canzonis no lassu


mutettus de prexu in menti mi fissu.

Cun su crocifissu
fiat' amigu veru


cun totus sinceru
cantendi sa moda


comenti arroda
girendi sa troga


piga i alloga
e su chi m'hant'a nai.



2

E su chi m'hant'a nai e po fai su beni


is maistus sabius cun sincera stima


de totu sa rima sa bertula preni


no tengasta pressi de arribai prima.

Mi nanta no firma
bai cun siguresa


totu sa dulcesa
cun sabori bonu


chi tenis su donu
gei hat'a bessiri


no ddu fazas fuiri
no ddu lassit'andai.



3

No ddu lassit'andai tenididdu strintu


su pagu chi sciis de issu abbarrau


su duellu Olatta dda sempiri bintu


lassend' arregordu aundi hat cantau.

Chi 'ndd'has'imparau
no siast'altivu


de dinai fiat privu
e meda disdiciau


famini hat passau
pani disigendi


sa stima donendi
no tenit fini mai.



4

No tenit fini mai
s'opera 'scritta


chi alabanzias cantas grazias a Deus


totu s'arti tua hat'essi beneditta


de Issu chi 'scidi totu su chi feus.

Immoi accabeus
custu cantu fattu


e chi siat'adattu
bosu dd'heis' a nai


chi si podit cantai
intamis de liggi


mancai chen' effiggi
gei s'hat'arregordai.



5

Gei s'hat'arregordai
su maistu valenti


ddu teneus presenti
s'arrastu agatau


de totus imperau
po bella figura


deu 'ndi tengu cura
po ddu ringraziai.

Su maistu geniosu...


Luigi Suergiu

Ballao 3/3/44

Via Padova
20

09047 Selargius Ca

070-840629