Informazioni sull'opera
GIALDINU D'INVERRU
E chi freddu chi c'è i lu gialdinu
non mi daggi cori d'arruggiallu
mancu un fiori veggu
biancu o giallu
ma solu ratti scunti
miserinu.
La macchjia di la rosa infreddulidda
maggiadda da li venti drent'e fora
imbarendi lu tempu chi migliora
pa videssi di nou rifiuridda.
S'è ghiacciadda l'eva in chissa balza
imbaradd'è lu cantaru suspesu
pari lu tempu
chi si sia arresu
spruzzi d'eva in altu più no n'alza
Puru li poggji d'eva piuana
so chi spiccjiu
sempri in muimentu
e tra malincunia e sintimentu
nò intengu più lu cantu di la rana
Pari propriu cand'entra un uraganu
chi savventa e mai nò t'avvisa
di veldi non ni veggu una pimpisa
mancu si celcu a candela in manu.
E mi veni a menti chiddhu spassu
candu inogga stagìa finz'a sera
travissava in chissà caminera
colma di fiori in dugna passu.
Drent'a lu me cori s'ispaglìa
un velu biancu di tranquillidai
che picinneddhu in tennara edai
parìa vulè di me la cumpagnia.
Cau gialdinu
lu tempu è tirannu
cun eddhu pogu e nienti si ragjiona
v'è puru chissu di la me passona
chi s'appent'a sfugliall'annu cun annu.
Lu taulari di la me givintura
era sempri pienu di fiori
avà mancadd'è tuttu lu splendori
no aggjiu afficcu di la fioriddura.
Purulu meu è sempri cu lu freddu
sia in branu che in ginnaggjiu
a truvaddùra mi focciu curaggjiu
cun malincunia minn'isceddu.
Mela Domenico nato a Castelsardo 26/1/39
E residente a Castelsardo via Giovanni 23°
Telef
079 470489
Titolo | GIALDINU D'INVERRU |
Sezione | |
Autore | Domenico Mela |
Nome | B20030051 |
Anno | 2003 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2003 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |