AL CONCORSO PREMIO DI POESIA "CITTA' DI OZIERI"

festas paesanas

Sas festas nostras festas paesanas
no sun pius sas festas de una ia
cando istranzos de onzi zenia
amigos e parentelas lontanas;
pro visita e genuinas ganas
de sas novas de onzi familia
pro rinnovare affettos decorosos
pro cumprire votos religiosos

Tando fin bellas sas processiones
chin giovanos a caddu animosos
currende s'ardia ispettaculosos
chin sonogiolos fioccos pinnones
palos de caddos burricos pedones
e garas de poetas mesu estrosos
e finas lottas ruzzas a chintadas
tra fortes de diversasa leadas

E ballos de costumes paesanos
tundos a essas bintradas essidas
a dansas cursas brincadas chizzidas
totta cadena tenzendesi a manos
zoventudes piseddos anzianos
medas in bestes a prima estidas
a sonu de sonette o cantadores
de dillu solu o cantigu e tenores

Omines in berritas ola ola
in carzasa in cosse e capotinu
entone gagas candidas de linu
feminas bellas in sa menzus fola
cun camisa bianca e tiazzola
in bustu e corittu e belluttinu
cun diversos estros ricamadas
e unneddas de rasos e broccados

Sos costumes de zonas tifferentes
bellos e notos de ue fin tottu
sos dialettos puru fini a nottu
in vocabolos e tonos cadentes
Oe tottu uguales sun sas gentes
sa festa est una folla e zentz in mottu
divagos e modernos ispettacculos
non bada antigos brios re meraccolos

" M'Indisto "


AL CONCORSO PREMIO DI POESIA "CITTA DI OZIERI"

SA PAGHE

Paghe a sa zente e bona volontade
nara s'antigu cantu religiosu
in paghe de continu bos trattade
Cristos sempre avvertiad amorosu
mama ninnende canta fizzu meu
Deus ti potatdare paghe e gosu
bazzi cun su azzudu e paghe e Deu
namos a cantos nde tuccada a tesu
ei ea paghe in su mundu intreu
pregandisizzan, ses bidu e intesu
e in soa logos civilge continu
cheret paghe ou gente pius pesu
no tio cherrende ba e r cainu
chi malinnu sa paghe istat cantende
e in opera faghet s'assasinu
e neghes a su frade istat bettende
egherra a s u mottu
dae cussos sa
ma intantu tottue sun gridende
nende cherimos sa paghe pro tottu
ma cando mai ses chi sun'abberu
chin tantas gherras malas chi an connottu
chi no s'acoordan chin coro sinceru
senza b'aer pro nemos prepotenzia
ca cuss'ischidat s'animu gherreru
ma pro d'onzunu a pari decenzia
pro vivere sa vida dignamente
non molestende a nemos s'esistenzia
e pensede d'ognunu cussiente
chi su tribagliu lu deve campare
già de brazzu o siat de mente
no isfruttadu e senzan'd'isfrutture
in modu chi donzunu in custa vida
no li manchet su bonu triballare
e si eniat sa gherra bandida
bi fidi sa bundanzia su risu
e pro me naro che cosa ischida
chin terra tiad'esses paradisu
e creo chi bi siat su dovere

chi onzunu azzuede decisu
pro faghende sa paghe umana mere

" MINDISTO "


AL CONCORSO PREMIO DI POESIA "CITTA' DI OZIERI"

A SU FOGU COME E PRIMA

In d'una cosa penso e cussidero
semus in bidda sempre peorende
chi nos meritat su votu e zero
cando idimos campagnas fumende
chin su foghu fattende dannu immensu
invece bei currer coitende
sos pius naran chin revessusensu
como gia best s'isquadra pagaga
deo ca nond'appo de cumpensu
e tanca mia in logu non bada
si bi caentet chie bi ha possessu
tantu si b'ando es fadiga ispreccada
anzis nde tenzo meritu a revessu
invece prima onzunu curriada
comente pro comune interessu
si unu fogu in campagna s'idiada
forte sonadu fitsu campanone
e chie su sonu s'abboghinaiada
pro l'intenderer sa popolazione
curride tottu su fogu fuidi
chin perigulu es saidatone
mannos minores che fora e sentidu
los bidias currende a tottu incuru
seghende naes de rattu fozzidu
chercu suerzu ogzastru olia puru
e d'onzunu accudidu e riga e fogu
a bemida impres e acoro dura
s'iscobulu iscudende a bellu giogu!
tottu a boghes ainoghe a cue
chin su suore a massimu isfogu
feminas puru purrende a tott'ue
abba ecalighes de calchi licore
medas preghende a proes calchi nue
meracculu a nde faghe su Signore
e medas nende a ostraSignora
a Sant'Antoni a Deus Criadore
chelu occhire subitu in sora
daghi su fogu fit domada e tentu
tando bi fit su credulu ancora
chi lu creia/divinu portentu

Mindisto