Eba di mari

In caminu

una vidda in caminu

rànzigga a bì
cument'eba di mari
eba
di funtani furistheri
e preddi ruddurani

a magnà pani chena sari

fraddeddi cari
distharraddi
in giubintura
pa' terri chen'innommu.
Addareddu a lu munì di l'immèntiggu
vasghugnosu lu tempu s'è cuàddu

v'hani dittu di turrà
e voi seddi turraddi
periggàni.
Inogghi nudd'è ciambaddu
che a tandu
trabagliu no vi n'è
e a murì s'è rassignaddu l'afficu
i' lu cori avviriddu di li vecci
e li giobani attribiddi

l'occi pessi e lu cori aggrauncìddu

oggi eddi punì
che a tandu voi
si n'àndani a luntanu

ma voi seddi turraddi
a impiddraddi chena giogghi
di biddi abbandunàddi

ma voi seddi turraddi
che li rùndini
a un zeru di cristhallu

sott'a li grundi antigghi a fa lu nidu
e che a tandu dugna tantu
tira maisthrari e ridi
lu sori a manzaniri
a asciuttà li firiddi
i' li furrùggi di li mani nosthri
allintuglìddi
e cani a carignà
li peri chi lu tempu bucciurendi
a noi puru ha rigaraddu...
A noi chi chisthi logghi
mai abemmu lassaddu
... A noi chena curaggiu
dighraziàddi che a voi.

ANTONEDDU BAZZU
È naddu in Sassarì lu 26 di trìura di lu 1947 e isthazi in Sassarì
i' Li Punti in carrera E. Crovetti
2
Terèfanu 333 9257804 079 398442