Informazioni sull'opera
Durundera
Duruduru durundera
apo id'a mes'aera
un' istell' antipitzada
de fiores cugutzada
intritzados tott'a pare
fint bellesa de mirare
A su chelu so pigadu
a sa mud'apo pensadu
e in cantu lu so nende
l'ap'intesa faeddende.
Mi tremiat manos e bucca
banzighende che una ruca
mi so bene remunida
sutt'a un 'alvure fozida.
Tott'in duna che cicrone
s'est pesad'unu puzone
chi si m'est iscut'a cara
e trappadu m'at sa lara.
Oi oi ite dolore
a canales su suore
m'est faladu tott'in d'una.
Apo bidu sol'e luna
e intreu su firmamentu.
Malaittu su mamentu
supra ojos un impannu
si m'est postu pro malannu
e s'istella noittola
isparid'est bola 'ola.
Già no m'at a cumbinare
mai lu diat poder giurare
chi s'arcanu ch'apo bidu
m'at leadu su sentidu
mi so fatta chei sa chera
Dururu durundera.
Fiori Maria Gioconda
nata a Usini il 11-03-51 e ivi residente
in via Marconi n° 70
CAP 07049- tel 079-380004
Titolo | DURUNDERA |
Sezione | |
Autore | Maria Gioconda Fiori |
Nome | A2005008 |
Anno | 2005 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2005 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |