DANSA
FIZA!

Dansa
fiza
dansa! Umpare a mie
catzia
in sos saltos fadados de sas janas.

Intende su grae modde
de andalas unfiadas
e-i seguzadas.

Boltulados bossulos
chilcaiant sa fuida
de surviles nodidos.
In sas sannas inchietadas cuaiant
unu ingullidorzu de nuragica
erentzia de isuledda

raighinada che a tie
fiza-launedda

chi isalenada sonas e sighis
su cuncordu de preistoricos
pipiriolos e sulittos
chi non timent italicos Titiros

e Melibeos.

Fiza non movas sos chizos
faghe serva a sos bisos
chi sunt frimmos in sa tuva.
Dansa tue
canta

sa majia tua abrina. T'hant a accumpanzare
sas archibusadas 'e sos meledos meos.

Fiza
est acculzu
intende

disarmada est s'aghera
sunt dende su logu sas fozas
a pintaderas de brancas
de bandidu cuadu arroccadu
che anzoneinnotzente in Terrasanta.
Su sirvone fertu est muilende
in cambas de amore morinde.

Fiza
chi cheres
nuscare s'armidda
cando
sa tremula su grillette
m'hat a preubbire
hat a bastare
su tou cantu de jana.

Tando fiza-furia cantaiat
sos pilos fint lana
ispraminada a bentu
sa beste promissa a Dionisu


de iscialos 'e Baccu muscada.

Pianghiat fiza incantada; attittadora de sirvones

de su mortu mama.



GIAMBERNARDO PIRODDI
NATO A SASSARI IL 31.5.77 E IVI RESIDENTE

IN VIA LUNA E SOLE 52/O
TEL. 079290794 - 3400805071