INVIO QUESTI SONETTI PER LA GARA DELLA FESTA
DELLA B.V. DEL RIMEDIO DI OZIERI.

1^

Su trinta e cabidanni in unione
Uttieri a Maria ses festante
ca ses pro issa fidele e costante
ca l'has benigna e summa affezione.

l'invocasa in d'ogni occasioneca
ses tue pro issa veru amante
nde ses orgogliosu su baatante
che cando ideras s'apparizione.

Tue umile,calmu • chena attediu
istas continu devotu e cuntentu
nendeli orasciones ogni momentu.

Tue non tenes atteru cuntentu
che i s'amore chi l'asa infinitu
a s'alta imperadora e su Rimediu.


2^

Tue ses sola un'essera divinu
de perlas preziosas coronada
virzine pura e immaculada
esemplare distintu e genuinu.

Tue chi ses pilastru adamantinu
sa pius tenta in mente e adorada;
Tue Ses sola sa chi ses bistada
a fagher sos desertos giardinu.

Ses de sos coros ardente fiama.
lughe bundante de perfettu amore
de su genere umanu veru esempiu.

Istella luminosa in dogni Tempiu
mistica rosa cun Cantu candore
sende de fizu tou fiza e mama.


Mores,8 settembre 1956.

Francesco Demartis Poeta dialetale-Mores