Beranu

Tristos inverros mios
istraccos e notturnos
isettan su lugor 'e s'aurora.
E poi...
contente da-e sonniu
sa lughe attignad
e vìolad s'iscuru
chi de rimandu s'isolvede.
In s'abba tremulosa
s'ispijad s'orizzonte
poi si cùada
in sas fozas tremidas de sa chessa.
E naschet maestosu su sole
e in danzas cun sas nues
s'infunded'e colores
po descrier sa die.
In s'erba paret unu piantu
ma est lentòre
in s'aera paret nie
ma son petalos de mendula fiorida

su 'entu los moed pianu
e jeo m'imbreago de sos odores.
Naschet cun su sole
sa gioja ismentigada
e no ispintu
s'isvegliad galu s'amore
e si pesat una frina
chi m'asciuttad su piantu.
Cun su limpiore 'e sas dies
lead vida s'eranu nou
e umpare a isse...
s'esister meu.


Bacciu Giuliana
nata a Brunella 10-03-1960
tel. 079-268251