No isco si ti ammentas, Billia,
su messonzu, in su tempus passadu,
cando dae idda chi 'essiana a Fiolinas
a nde messare s'anzenu in logu attesu.
M'ammento de Tottoi, de Tiu Barore, de Damianu,
chi 'essiana a pe', trunchende in sos caminos
giompende riu; calicunu giughiat falche, atere nono,
bestidos de fustanu e de suore,
su 'entone abertu e a s'iscapiddada,
narende contos, faulas, chi li narant.
Cando intraian in su sede, fit s'inferru:
ruiat s'ispiga - sa raglia s'illongada
cant'andat s'oju - in sa terra brujada.
Sa zoronada, Billì, già l'ischis chi fit paga:
bastaiat pro su pane - e pro nde attire a bidda
calchi soddu - a sustentare - sa muzzere
e sos fizzos, in s'ierru.
Fit troppu pagu,
fit comente a gherrare a zoronada,
drommende in terra - s'ischina truncada.
Narana, Billì,
chi su tempus est cambiadu ...
Su logu anzenu corno est pius lontanu:
Franza, Germania, logos furisteris ...
Faulas, incue, bat pagu 'e nde contare:
faeddende anzenu, mancu ti 'enit gana.
Ca sa gana, Billì, est de torrare,
giompere a bidda - ma pro trabagliare -
pro l'accabbare cun s'isfruttamentu
e pesare una gherra - in tempus de paghe:
sa gherra santa de sa libertade.