Informazioni sull'opera
SU PALU
Predu
l'hat postu de numen'EBBA
ca it una pudderica nighedda
isteddada
e
brassana finas a sos archiles. L'han'allebad'a latte de bacca
ca l'est morta sa mama
naschinne
a s'arbeschida de su 24 de Lampadas
die de Santu Jubanne de
2 annos achet. Predu
cusso manzanu
armadu de socca
it solu
ma azardat su
matessi a bi la ghettare pro la domare
non tenenne contu chi teniat 50 annos colados.
It unu manzanu de Lampadas
a su lentore agradiat a si pasare supra s'erba allizada.
Non pesanne a s'agrestume de Ebba
in ateros mamentos it maseda
chi si la sediat puru
chene fune
e l'ispassiabat in sa tanca. L'ha tent'a su primu corfu e
s'intennet prejonera chi sa socc'a tzuccu. It sa prima borta
e tira ca ti tiro
imbolat a terr'a Predu
lassinann'a cul'a terra
innettanne sa caminera dae su lentore.
Ma Predu no zedet a sas tiradas de Ebba. A Predu
l'est istadu de azudu mannu
una cheja de isterru fatta dae porcu mannale dies innantis
ca su pede de Predu s'est
accozzadu in cuss'arrambu. Ebba
a Predu li zirat'a intunnu e rizzu che cannela
daiat e
l'incurzabat sa socca. Prededdu
su fizzu de Predu
zobaneddu gaianu
istudente in
veterinaria a Pisa
est ghiradu ca non b'aiat esames de
presentare
e impesu ghirabat moghiat a cubile pro azudare su babbu ch'it solu e
l'acatat gherranne chin Ebba. "Non tinne ses potzid'istare
podias isetare canno
b'ipo jeo"? "No soe galu mani sicu
est dae mes'ora chi l'hapo tenta
ma non credia
ch'it gai agreste". Ebba
connoschiat a Prededdu
e si l'acurzat deretta can-
no l'hat mutida
la lusingat e li dat una preda de tzucaru Ebba
in su mamentu s'est
irmenticada chi juchiat sa socca in gula. It maseda e cuntenta ca l'han postu
sa sedda
e sa bertula chin azicu de pesu
ligada bene chi sos tranzilleris. Prededdu
sichiat a li dare
non prus predas de tzucaru
ma pistazza de pane carasadu.
L'han postu finzas sa brilla
ligada bene a curzu
in modu de abbiurare chi sa conca
arta e pinnicada. In tempus de unu paju de dies
Prededdu l'hat setzida e
ghirad'est a bidda chi sa bertula prena de casu. Sa zente it meda curiosa e s'acurzabat
a Ebba pro la lusingare
s'est inchimerada imbolanneche sa bertul'a terra
chin s'istudiante cadderi. Solu a sas lusingas de Prededdu s'est appassughiada
chi li poniat iffattu chene fune
e c'arriban'a domo.
Ebba
in sa tanca no it sola
a li achere cumpanzia b'aiat unu cadeddu de Jara
como domadu. Ma a su tempus ch'it biba sa mama de Ebba
e it in calore
Predu no
aiat fattu in tempus a la picare a s'istallone de razza chi
su cadeddu b'est
arribadu prima
ma a s'istallone
sempere sa matessi die
Predu
bi l'at picada su
matessi. Sa mama de Ebba
it murtina
murtinu e brassanu it s'istallone
ma Ebba
it nighedda che corbu coment'a su cadeddu de Jara. De cale istallone it fizza
Ebba? Canno su cadeddu ghirabat a bidda chi su casu o ateras cosas
Ebba li
poniat in fattu. A sas massajas Ebba las connoschiat
e azetabat de coro carchi punzu
de biada e sa grattadedda. A Ebba
l'aiat ghettadu ocru Pilosu
Fantinu
famadu
chi curriat e binchiat palos finzas in continente. Su fantinu e Ebba si so-
no derettos agradidos. La probana
e Pilosu ch'it finzas allenadore narat chi:
Sa calabrina est lestra, forte, ubidiente, ma no ischit galu currere; chin unu paju
de meses de imparu in sas pistas, dae Ebba bi naschiat carchi cosa de bonu. Si
sezis de accordu, crasa imbarcamus, destinu San Rossore a Pisa. Impesu zertos
signores, riccos e meres de caddos l'han bida, si sono ghettados che musca a su
mele. Tempus de un'ora, chi sos aereos pessonales, sono supridos, dae Roma,
Milanu, Torinu. Tottu cheriana biere a Ebba currenne, e chie la cheriat comprare,
chene mancu la biere. Prededdu puru it torradu a Pisa pro s'istudiu e arrejonat
chin Pilosu.
Medas Paperones
manu a dinare cherene comporare a Ebba".
Cantu cheres, pacamus, nesci pro la biere solu
. "Ma solu chimbe minuttos
-narat Pilosu
- iscostiados a deche passos
est galu assuconada dae su biazzu.
Istanotte soe corcadu chi iscia
est galu agreste ". Cussu dinareddu achiat derettu
bisonzu
Pilosu it cojubadu
babbu de duos pizinneddos
e s'aiat comporadu
una domo manna dae massajos
ch'aiana lassadu finzas sas terras pro traballare
in s'industria
Ebba
it sempere prus maseda e a su rimorchiu si che intrabat sola.
Pilosu
abertit sos Paperones. "Lasademi s'indirizzu
bos chirco jeo tra unu mese.
No mi telefonedas
ca soe capaze de bos mannare a sa bidda de ube sezis
naschidos". Ma zertos de custos Paperones
chi s'iscuja ca b'aiana ateros caddos de
cursa
ghettabana s'ocru pro biere Ebba in allenamentu. Ma tottu
dimannaban'a
Pilosu cantu cheriat. Sa nobidade est bolada in ateras Natziones.
E sos istranzos Paperones
de ateras Natziones
han'arzadu su preju. Oppuru;
chi Ebba
cann'it su tempus suo
si seret ammorada
chin sos istallones iscioro.
Pilosu e Prededdu
non cheriana zente intunnu sa die de sas probas
finzas ca
si annabat male
seret minimadu su preju
chi nemos azardabat a isparare. Ma
una die
Pilosu
hat'apidu s'ordine dae su mere de sa pista
de la probare chin
ateros caddos balentes
sos menzus. Ebba
est arribada terza
su sette caddos
ma Pilosu
l'hat tratessa a brilla tirada. Diffatis
sos Paperones chi de caddos ne
bidiana donzi die
si son'abizados de custu: "Si no l'aiat tratessa
it arribada prima
de su caddu tuo
sinzolu chi sa prima gara chi b'est tra pacas dies
la binchet
Ebba; cantu ti bi jocas"? Nesciunu si b'hat jocadu unu sisinu su Ebba
ca juchiat
a costazzu sos calibros prus famados. Finzas a Prededdu achiat bisonzu cussu
dinare
pro si mantennere in s'istudiu
e a Pilosu pro sa familla. "Chi su dinareddu
chi b'amus
dadu dae sos Paperones
ponimus s'iscommissa chi Ebba binchet su primu
premiu de chimbantamizza euro". De sos joccadores incallidos
chi Ebba it gai
balente
non b'hana crettidu
finzas ca
it sa prima borta chi curriat. Però
s'han joccadu tottu
chi su caddu menzus de su munnu. Sa zente
non connoschiat a
Pilosu comente fantinu
o allenadore
ma contente munnadore de istallas.
Innantis de intrare in pista
tiran'a sorte duos caddos s'ini drogados
est annada
bene. Est ora. A Pilosu li tremiana sas ancas dae s'istentu e timiat de isbagliare.
Sos caddos son partidos
Ebba est quart'a su primu ziru. Pilosu allentat sa brilla e
in duchentos metros si ponet sicunda
in daisecus de su campione
e a sa ralla
arribat sicunda pro mesu metro. Ma unu zudize hat mannadu su telegramma chi:
A sos primos chimbe caddos, benzat fatta s'analis si sono drogados, e chi non benzan
pacadas sas binchidas
. De custos
solu su caddu campione-binchidore
it prenu che obu de droga. Solu pacos fidados ischiana chi su campione de su munnu
it drogadu
est degai chi s'hat joccadu s'urtima cursa
ca su primu premiu
de chimbantamizza euro
l'hat bintu Ebba. L'han dadu un'ateru premiu ca it sa prima
borta chi curriat e binchiat; premiu a Pilosu su menzus fantinu; premiu a Prededdu
mere
e de s'iscommisa. A Ebba
s'est acurzadu su caddu perdidore chi li
narat; "Ebba galana; mi cheres a maridu"? "No; maridu drogadu? no grazie"!
Titolo | SU PALU |
Sezione | |
Autore | Giuseppe Delogu |
Nome | C2004009 |
Anno | 2004 |
Argomento | |
Descrizione | |
Lingua | |
Editore | Premio Ozieri |
Contributore | TecnoService |
Tipo | |
Formato | |
Fonte | Premio Ozieri |
Relazione | Concorso Premio Ozieri 2004 |
Copertura | Italia, Sardegna, Logudoro |
Diritti | Comune di Ozieri - Premio Ozieri |
Analisi del Testo |